والدین اپنی بچیوں کے رشتے کرتے ہوئے ہر ممکن کوشش کرتے ہیں کہ ان کے ساتھ کسی قسم کی کوئی دھوکہ بازی نہ ہوجائے لیکن لالچی اور خود غرض لوگ کسی نہ کسی طرح اپنی چال میں کامیاب ہوجاتے ہیں۔
ایک ایسی ہی آپ بیتی اے آر وائی ڈیجیٹل کے پروگرام گڈ مارننگ پاکستان میں آیت نامی لڑکی نے سنائی جسے سن کر سننے والوں کی آنکھیں بھر آئیں۔
آیت نے بتایا کہ میں اپنی خالا کے گھر پلی بڑھی اور انہوں نے ہی میری شادی کرائی کسی پڑوسی خاتون کے توسط سے رشتہ آیا کہ لڑکا بیرون ملک ملازمت کرتا ہے اور شادی کے بعد لڑکی بھی وہاں چلی جائے گی۔
تمام تر یقین دہانیوں کے بعد میری شادی ہوگئی اس وقت میری عمر 19 سال تھی۔ شادی کے کچھ ہفتوں بعد پتہ چلا کہ لڑکا کبھی باہر نہیں جائے گا وہ سارا دن گھر میں ہی پڑا رہتا تھا۔ ان ساری باتوں کے بعد خالہ نے کہا کہ تم خلع لے لو لیکن میں نے اپنا گھر بسانے کی خاطر ایسا نہیں کیا۔
اس دوران میرے دو بچے بھی ہوئے، کچھ عرصے بعد میرے دیور کی شادی کا سلسلہ شروع ہوا تو ساس نے مجھ سے میرا کمرہ لے کر اسٹور میں منتقل کردیا, اعتراض کرنے پر شوہر مجھے بہت بری طرح مارتا تھا۔
آخر کار میں نے تھک ہار کر اس خلع لے لی اور بچوں سمیت امی کے گھر آگئی اور گھر میں ہی چھوٹے موٹے کام کرکے اپنا گزر بسر کررہی ہوں۔
