ریاض: پاکستان کی قومی ایئر لائن پی آئی اے کی حج پرواز پی کے 839 نے ریاض ایئرپورٹ پرہنگامی لینڈنگ کی ہے۔
اے آر وائی نیوز کے مطابق ایئر لائن ذرائع کا کہنا ہے کہ پی آئی اے کی حج پرواز رات 10 بجے کراچی سے جدہ کے لئے روانہ ہوئی تھی۔
مسافر کے مطابق دوران پرواز طیارے میں دھماکے کی آواز سنی گئی، دھماکے کی اطلاع پر طیارے کارخ جدہ سے موڑ کر ریاض ایئرپورٹ کی طرف کردیا گیا اور اور مسافروں کو اتار دیا گیا، ایمرجنسی لینڈنگ کے بعد طیارے سے مسافروں کو لاؤنج منتقل کیا گیا ہے۔
ترجمان پی آئی اے کے مطابق دوران پرواز کارگو کیبن میں ہائی ٹمپریچر کی وارننگ آئی تھی، وارننگ آنے کے بعد طیارے کو ریاض ائیرپورٹ پر اتار لیا گیا۔
ترجمان کے مطابق طیارے کی جانچ کے بعدہائی ٹمپریچر وارننگ غلط ثابت ہوئی، سرسری جانچ کے بعد پرواز کو دوبارہ جدہ روانہ کردیا گیا۔
