کبریٰ خان نے پاکستانی مردوں کو اہم مشورہ دیدیا

پاکستان شوبز انڈسٹری کی معروف اداکارہ کبریٰ خان نے پاکستانی مردوں کو اہم مشورہ دے دیا۔

پاکستان کی معروف اداکارہ کبریٰ خان نے حال ہی میں ایک ویب شو میں بطور مہمان شرکت کی جہاں اداکارہ نے پاکستانی مردوں کو کورین ڈرامہ دیکھنے کا مشورہ دیا ہے۔

کبریٰ خان نے کورین ڈراموں میں دکھائے جانے والے مردوں کے عورتوں سےحسنِ سلوک کی تعریف کرتے ہوئے کہا کہ کورین ڈراموں میں مردوں کو خواتین کے لیے بہت چھوٹی چھوٹی معمولی چیزوں کو بہت خوبصورت انداز میں کرتے ہوئے دکھایا جاتا ہے اور جب ہم پاکستانی خواتین وہ سب دیکھتی ہیں تو سوچنے لگتی ہیں کہ ایسے مرد ہمیں پاکستان میں کیوں نہیں ملتے۔

اداکارہ کبریٰ خان نے کہا کہ میں پاکستانی مردوں سے درخواست کرتی ہوں کہ خدا کے واسطے کورین ڈرامے دیکھیں اور ان سے کچھ سیکھیں، پاکستانی مردوں کو کورین ڈراموں سے یہ سیکھنا چاہیے کہ اپنے عزیز و اقارب سے کس طرح جذبات کا اظہار کرنا ہے۔

 اُنہوں نے مزید کہا کہ پاکستانی مردوں کو کورین ڈراموں سے یہ سیکھنا چاہیے کسی سے محبت کس طرح کرنی ہے اور پھر اپنی محبت کا اظہار کیسے کرنا ہے۔

Comments





Source link

اپنا تبصرہ لکھیں