پاکستان اسٹیل ملز کے 562 ملازمین نوکری سے کو نکال دیا گیا

کراچی : پاکستان اسٹیل ملز  کے 562 ملازمین نوکری سے کو نکال دیا گیا، انتظامیہ کا کہنا ہے کہ ملازمین کا کنٹریکٹ ختم ہوگیا ہے۔

تفصیلات کے مطابق پاکستان اسٹیل ملز انتظامیہ نے تمام ڈیلی ویجز ملازمین نوکری سے کو نکال دیا۔

اس حوالے سے انچارج مینیجر اے اینڈ پی نے نوٹیفکیشن جاری کردیا ہے ، جس میں کہا ہے کہ
ڈیلی ویجز ملازمین کا کنٹریکٹ ختم ہوگیا ہے، ان ملازمین کو دوبارہ بھرتی نہیں کیا جائے۔

نوٹیفکیشن میں بتایا گیا کہ نوکری سے نکالے گئے ملازمین کی تعداد 562 ہے۔

دسمبر 2023 میں نگراں حکومت نے اسٹیل ملز کو سرکاری اداروں کی نجکاری کی فہرست سے نکال دیا تھا۔

گذشتہ روز وزیر خزانہ محمد اورنگزیب نے اقتصادی سروے 2023-24 کے موقع پر اپنے خطاب کے دوران کہا تھا کہ پی آئی اے، اسٹیل ملز سمیت دیگر ادارے حکومت نہیں چلاسکتی۔

محمد اورنگزیب کا کہنا تھا کہ پی آئی اے کی نجکاری پرنتیجہ اگست تک آ جائےگا اور پاکستان اسٹیل مل بحال نہیں ہوگی۔

اس کے ساتھ ہی اسلام آباد کےبعد کراچی اور لاہور ایئرپورٹ کو بھی آؤٹ سورس کریں گے۔

Comments





Source link

اپنا تبصرہ لکھیں