پاکستان ایک بار پھر سکیورٹی کونسل کا رکن منتخب، بھارت نے بھی حق میں ووٹ دیا

نیو یارک: پاکستان آٹھویں مرتبہ اقوام متحدہ کی سکیورٹی کونسل کا غیر مستقل رکن منتخب ہوگیا جس کیلیے ووٹنگ جنرل اسمبلی کے 78ویں اجلاس کے سیشن میں ہوئی۔

پاکستان ایشیا پیسفک گروپ میں غیر مستقل رکن کی سیٹ کا امیدوار تھا۔ پاکستان سے پہلے اس گروپ کی سیٹ جاپان کے پاس تھی۔ پاکستان کے ساتھ یونان، ڈنمارک اور صومالیہ بھی دو سال کیلیے سکیورٹی کونسل کے غیر مستقل رکن منتخب کیے گئے۔

پاکستان کے حق میں بھارت سمیت 182 ممالک نے حق میں ووٹ دیے۔

وزیر اعظم شہباز شریف نے اپنے بیان میں قوم کو مبارکباد دیتے ہوئے کہا کہ یقیناً یہ ایک قابلِ فخر لمحہ ہے، 182 ووٹ لے کر رکن منتخب ہونا امن اور سلامتی کیلیے قوم کے عزم کا ثبوت ہے۔

شہباز شریف نے کہا کہ ہم عالمی چیلنجز سے نمٹنے کیلیے بین الاقوامی برادری کے ساتھ مل کر کام کریں گے، امن، استحکام اور تعاون کو فروغ دینے میں اپنا کردار ادا کرتے رہیں گے۔

Comments





Source link

اپنا تبصرہ لکھیں