پاک بھارت میچ، کیا روہت شرما مکمل فٹ ہیں؟

بورڈ آف کنٹرول فار کرکٹ ان انڈیا (بی سی سی آئی) نے بھارتی کپتان روہت شرما کی فٹنس کے حوالے سے اپ ڈیٹ جاری کر دی۔

آئرلینڈ کے خلاف بھارت کے ابتدائی T20 ورلڈ کپ میچ کے دوران روہت کے بازو پر باؤنسر لگ گیا اور انہیں چوٹ لگنے سے ریٹائر ہونا پڑا۔ اس وقت وہ شاندار فارم میں تھے اور 37 گیندوں پر شاندار 52 رنز بنا لیے تھے۔

بھارتی میڈیا کی رپورٹ کے مطابق بی سی سی آئی کے ایک سینئر ذریعے نے تصدیق کی ہے کہ روہت شرما کی انجری شدید نہیں ہے اور توقع ہے کہ وہ 9 جون کو نیویارک کے ناساؤ کاؤنٹی انٹرنیشنل کرکٹ اسٹیڈیم میں پاکستان کے خلاف ہونے والے میچ کے لیے وقت پر ٹھیک ہوجائیں گے۔

میچ کے بعد کے انٹرویو میں، روہت نے خود اس چوٹ پر تبصرہ کرتے ہوئے اپنے بازو کو “بس تھوڑا سا زخم” قرار دیا۔

ہندوستان نے 5 جون کو نیو یارک میں آئرلینڈ کے خلاف آٹھ وکٹوں سے فتح حاصل کرتے ہوئے اپنی ورلڈ کپ مہم کا شاندار آغاز کیا۔

روہت شرما نے کہا کہ پاکستان کیخلاف میچ میں پچ کیا ہوگی اس کا اندازہ نہیں، نیویارک میں پچ دوسری بیٹنگ میں بھی مشکل ہے لیکن ہمیں اس میچ کیلئے اچھی تیاری کونا ہوگی۔

کپتان روہت شرما نے کہا کہ پاکستان کے خلاف میچ میں ہمیں ایک ٹیم کی طرح کھیلنا ہوگا، میچ جیتنے کیلئے ٹیم میں موجود ہر 11 کھلاڑی کو پرفارم کرنا ہوگا۔

Comments





Source link

اپنا تبصرہ لکھیں