غالباف سمیت چھ افراد کے ایران کے صدارتی انتخابات میں حصہ لینے کی منظوری دے دی گئی جب کہ سابق صدر احمدی نژاد کو ایک بار پھر نااہل قرار دے دیا گیا۔
ہیلی کاپٹر حادثے میں صدر ابراہیم رئیسی کی موت کے بعد 28 جون کو ہونے والے قبل از وقت صدارتی انتخابات میں پارلیمان کے اسپیکر محمد باقر غالباف سمیت چھ افراد کو حصہ لینے کی منظوری دی گئی ہے۔
گارڈین کونسل، جو ایک آئینی جانچ پڑتال کرنے والا ادارہ ہے نے سابق جوہری مذاکرات کار سعید جلیلی اور تہران کے میئر علیرضا زکانی کو انتخاب لڑنے کی منظوری دی۔
جن درجنوں افراد نے صدر کے لیے امیدوار بننے کے لیے دستخط کیے ہیں ان میں سینئر سیکیورٹی اہلکار اور سابق جوہری مذاکرات کار سعید جلیلی، تین بار پارلیمنٹ کے سابق اسپیکر علی لاریجانی، تہران کے میئر علیرضا زکانی، اور مرکزی بینک کے سابق سربراہ عبدالناصر ہمتی بھی شامل ہیں۔
جلیلی اب سپریم نیشنل سیکیورٹی کونسل (SNSC) میں ایرانی سپریم لیڈر کے نمائندے ہیں اور جوہری فائل کے گرد تناؤ کے عروج پر 2007 سے 2013 تک سیکیورٹی چیف رہے تھے۔ وہ اس سے قبل بھی تین بار صدارتی انتخابات میں ناکام رہے ہیں۔
لاریجانی، ایک طاقتور خاندان سے تعلق رکھنے والی قدامت پسند شخصیت ہیں۔
ایران کے سابق صدر محمود احمدی نژاد اور دیگر نے اعتدال پسند علی لاریجانی اور انتہائی قدامت پسند سعید جلیلی نے صدر ابراہیم رئیسی کی گزشتہ ماہ ہیلی کاپٹر کے حادثے میں موت کے بعد نئے انتخابات میں حصہ لینے کے لیے دستخط کیے ہیں۔
احمدی نژاد، جو 2005 سے 2013 تک صدر رہے نے سائن اپ کی مدت ختم ہونے سے ایک دن پہلے اتوار کو درجنوں دیگر افراد کے ساتھ وزارت داخلہ میں رجسٹریشن کرائی۔
