لندن (ویب ڈیسک) قومی کرکٹ ٹیم کے سابق کپتان اور آل راؤنڈر شاہد آفریدی کی برمنگھم میں ایک ویڈیو وائرل ہورہی ہے جس میں کچھ لوگ ان کے خلاف شیم شیم کے نعرے لگاتے نظر آئے۔
آج نیوز کے مطابق شاہد آفریدی ان دنوں برطانیہ میں موجود ہیں جہاں ورلڈ چیمپین شپ آف لیجنڈز کا ایونٹ جاری ہے۔ ان کے ہمراہ سابق پاکستانی کھلاڑی بھی موجود ہیں۔
انہی لوگوں میں کچھ ایسے بھی تھے جنہوں نے اچانک شیم شیم کے نعرے لگانا شروع کردیے۔ ویڈیو پر سوشل میڈیا صارفین کی جانب سے مختلف ردِعمل کا اظہار کیا جارہا ہے۔
وہیں شاہد آفریدی کی ویڈیو سوشل میڈیا پر زیر گردش ہے جس میں دیکھا جا سکتا ہے کہ وہ برطانیہ کے شہر برمنگھم میں موجود ایک چائے کے ریسٹورنٹ سے باہر نکل رہے ہیں جہاں انہیں دیکھتے ہی لوگوں کا ہجوم ان کے ساتھ تصویر بنوانے کے لیے اکٹھا ہوگیا۔
شاہد آفریدی انڈوں والے کے خلاف نعرہ بازی pic.twitter.com/cOUmGHKrAr
— قیدی نمبر 804 (@Sdqqjaan) July 9, 2024
ایک صارف نے لکھا کہ ویڈیو میں صرف ایک ضمیر فروش تحریک انصاف کا ممبر دور سے کیمرہ پکڑ کر شاہد آفریدی کو گالیاں نکال رہا ہے جبکہ باقی تمام لوگ شاہد آفریدی سے محبت کررہے ہیں۔ انہوں نے شاہد آفریدی کی تعریف کرتے ہوئے لکھا کہ ان کا ظرف دیکھیں کہ انہوں نے اس ضمیر فروش سے بھی ہاتھ ملایا۔
وہیں ایک اور صارف نے ویڈیو پر تبصرہ کرتے ہوئے لکھا کہ شاہد آفریدی سے سیاسی اختلاف تو کرسکتے ہیں لیکن اس حد تک گر جانا کہ ان کے لیے شیم شیم کے نعرے لگانے شروع کردیے جائیں یہ بہت نا مناسب عمل ہے۔