لاہور(ڈیلی پاکستان) کامن ویلتھ گیمز کےگولڈ میڈلسٹ ویٹ لفٹر نوح دستگیر بٹ نے ویٹ لفٹنگ سے مایوس ہوکر پاورلفٹنگ کا رخ کرلیا۔ایکسپریس نیوز کےمطابق وہ اگلےماہ کامن ویلتھ پاورلفٹنگ چیمپئن شپ میں پاکستان کی نمائندگی کریں گے۔ ویٹ لفٹنگ فیڈریشن حکام کے ساتھ اختلافات کی بناپر نوح بٹ کو بین الاقوامی ایونٹس میں شرکت کا موقع نہیں مل رہا تھا۔
چار سے تیرہ اکتوبر تک جنوبی افریقہ کےشہر سن سٹی میں نوح بٹ ایک سو بیس پلس کلوگرام کیٹگری میں ڈبیو کریں گے۔پاکستان کا سات رکنی دستہ تیرہ اکتوبر تک جاری رہنےوالی چیمپئن شپ میں میڈلز کے حصول کے لیےکوشاں ہوگا۔ نوح بٹ کے ساتھ حال ہی میں ایشین افریقین کمبائنڈ پاورلفٹنگ کی گولڈ میڈلسٹ بہنیں ٹوئنکل، سبیل اور ورنیکا بھی اپنی صلاحیتوں کا مظاہرہ کریں گی۔ حسنین رضا اور عبدالجبار عدنان ماسٹر کلاس میں حصہ لیں گے۔
