لاہور: انسداد دہشت گردی عدالت نے شاہ محمود قریشی کی 9 مئی کے لاہور کے 8 مقدمات میں 9 روزہ جسمانی ریمانڈ منظور کر لیا۔
تفصیلات کے مطابق انسداد دہشت گردی عدالت کے جج خالد ارشد نے تحریری فیصلہ جاری کرتے ہوئے پی ٹی آئی رہنما شاہ محمود کا 9 مئی کے لاہور کے 8 مقدمات میں نو روزہ جسمانی ریمانڈ منظور کر لیا۔
تحریری فیصلے میں عدالت نے حکم دیا کہ شاہ محمود قریشی سے تفتیش کی رپورٹ 5 جون کو عدالت میں پیش کی جائے، اور ان سے ویڈیو لنک کے ذریعے تفتیش کی جائے۔
لاہور پولیس نے شاہ محمود کی مزید 8 مقدمات میں گرفتاری ڈال دی
فیصلے میں کہا گیا ہے کہ تفتیشی افسر کے مطابق ملزم نے سوشل میڈیا پر ویڈیوز اور پیغامات جاری کیے، سوشل میڈیا پر اپ لوڈ یہ تمام مواد فرانزک لیب بھیجوا دیا گیا ہے۔
واضح رہے کہ پراسکیوشن نے شاہ محمود قریشی کے 30 دن کے جسمانی ریمانڈ کی استدعا کی تھی۔
