کراچی (مانیٹرنگ ڈیسک)کرکٹر احمد شہزاد کا کہنا تھا کہ بابراعظم کی کپتانی میں پاکستان نے کون سا ایونٹ جیتا ہے، بابر اعظم کی بیٹنگ دیکھ کر ایسا لگ رہا تھا کہ شعیب اختر کے سامنے کھیل رہا ہے۔
انہوں نے ان خیالات کا اظہار نجی ٹی وی کے پروگرام ”آج شاہزیب خانزادہ کے ساتھ“ میں گفتگو کرتے ہوئے کیا ۔ پروگرام میں سابق کرکٹر سکندر بخت نے بھی شرکت کی ۔ ان کا کہنا تھا کہ بیٹنگ تو اپنی جگہ ہماری باؤلنگ سونے پر سہاگہ تھی۔
پروگرام میں گفتگو کرتے ہوئے کرکٹر عمران نذیر نے کہا کہ امریکہ کے ہاتھوں پاکستان کی شکست اپ سیٹ نہیں ہے، امریکی ٹیم نے بہت متوازن کرکٹ کھیلی، ایک وقت میں سترہویں اوور میں ہی میچ ختم ہوتا نظر آرہا تھا۔
