نئی دہلی (ویب ڈیسک) روہت شرما پر بھارتی پرچم کی بے حرمتی کا الزام عائد ہوگیا۔
ایکسپریس نیوز کے مطابق ٹی 20 ورلڈکپ کا فائنل جیتنے کے بعد روہت نے پرچم کو بارباڈوس کے کنگسٹن اوول سٹیڈیم کی فیلڈ میں گاڑھنے کی کوشش کی تھی، انھوں نے اس موقع پر لی گئی تصویر کو ہی اپنے ’ایکس’ اکاؤنٹ میں پروفائنل پکچر بنا لیا۔
#NewProfilePic pic.twitter.com/aDJFxW8783
— Rohit Sharma (@ImRo45) July 8, 2024
کچھ شائقین کا کہنا تھا کہ کسی دوسرے ملک کی سرزمین پر اپنا پرچم گاڑھنا مناسب بات نہیں ہے، زیادہ الزام ان پر ترنگے کی توہین کا عائد ہورہا ہے کیونکہ تصویر میں پرچم کا کچھ حصہ نیچے گراؤنڈ کو چھورہا ہے۔ شائقین بھارتی آئین کے نیشنل آنر ایکٹ 1971 کا حوالہ دے رہے ہیں جس میں واضح کیا گیا کہ جان بوجھ کر پرچم کو زمین سے نہیں لگایا جاسکتا۔