بھارتی اداکارہ ادا شرما آنجہانی اداکار سشانت سنگھ کے اپارٹمنٹ میں منقتل ہوگئیں، اس حوالے سے انہوں نے پہلی اہم انکشاف کیا ہے۔
بالی ووڈ کی معروف اداکارہ ادا شرما نے ایک بمبئی ٹائمز کو دیے گئے انٹرویو میں بتایا کہ انہوں نے گزشتہ سال ممبئی مین وہ فلیٹ خریدا تھا تاہم اس میں وہ منتقل چند مہینوں قبل ہی ہوئی ہیں۔
اداکارہ ادا شرما نے کہا کہ میں 4 ماہ قبل اُس اپارٹمنٹ میں منتقل ہوئی جس میں سشانت سنگھ رہتے تھے، کچھ لوگوں نے مجھے اس نئے گھر میں شفٹ ہونے سے منع کیا تھا۔
ادا شرما کا کہنا تھا کہ میں ساری زندگی باندرہ کے ایک ہی گھر میں رہی ہوں، یہ پہلا موقع ہے جب میں اسے چھوڑ کر ایک نئی جگہ منتقل ہوئی ہوں اور یہاں آکر مجھے بہت اچھا لگ رہا ہے۔
اداکار نے بتایا کہ میں یہاں پر پرندوں کو کھانا کھلاتی ہوں یہ مجھے اچھا لگتا ہے، کیونکہ کیرالہ اور ممبئی میں ہمارے گھر درختوں سے گھرے ہوئے ہیں اور ہم وہاں بھی پرندوں کو دانہ ڈالتے تھے۔
اداکار نے بتایا کہ انہوں نے اپنے نئے گھر کو اپنے مطابق سجایا ہے، میں نے نچلی منزل کو عبادت کے لیے مختص کیا ہے، جبکہ اوپر کی منزل میں ایک کمرہ میوزک روم اور ایک کمرے کو ڈانس اسٹوڈیو کے طور پر بنایا ہے جبکہ چھت پر گارڈن بھی ہے۔
ادا شرما نے بتایا کہ میں اس اپارٹمنٹ میں اپنی والدہ کے ساتھ رہ رہی ہوں اور ہم دونوں نے اس گھر میں بہت ہی کم فرنیچر رکھا ہوا ہے کیوں کہ ہم دونوں ماں بیٹی فرش پر سوتے اور کھاتے ہیں۔
یاد رہے کہ اگست 2023 میں ادا شرما نے ممبئی کے مونٹ بلانک اپارٹمنٹس میں آجنہانی اداکار سشانت سنگھ کے آخری ایام گزارنے والے فلیٹ کو خریدا تھا۔
