انٹرنیشنل سول ایویشن آرگنائزیشن (ایکاؤ) کے مشن نے اپنے دورہ پاکستان کے دوران آج بدھ کو ’ان سائٹ فالو اپ‘ کے لیے سی اے اے ہیڈکوارٹرز کا دورہ کیا۔
تفصیلات کے مطابق ایکاؤ کا کوآرڈینیٹڈ ویلیڈیشن مشن (آئی سی وی ایم) پاکستان کے دورے پر اسلام آباد میں مقیم ہے، ٹیم نے سی اے اے ہیڈکواٹرز کا دورہ کر کے سیکریٹری ایویشن/ڈی جی سی اے اے سیف انجم، ڈپٹی ڈی جی ریگولیٹری نادر شفیع ڈار اور اعلیٰ سول ایویشن حکام سے ملاقات کی۔
ترجمان سی اے اے کے مطابق 6 رکنی ٹیم کا یہ دورہ پاکستان 5 سے 12 جون تک جاری رہے گا، ایکاؤ ٹیم کے دورے کا مقصد آڈٹ نہیں بلکہ یہ ’ان سائٹ فالو آپ‘ سرگرمی ہے۔ یہ ٹیم لیگل، آپریشنز، ایئر وردینس، فلائٹ اسٹینڈرڈ سمیت دیگر ریگولیٹری ڈائریکٹوریٹس کا بھی دورہ کرے گی۔
ایکاؤ ٹیم کے مقاصد میں ریاست کے ایوی ایشن نظام کے مختلف پہلوؤں کا جائزہ لینا بھی شامل ہے، واضح رہے کہ
آئی سی وی ایم ٹیم رکن ممالک میں آڈٹس کے اہداف پر پیش رفت کا جائزہ اور اس کی توثیق کا کام بھی کرتی ہے۔
