حب : اوتھل کے قریب مسافر کوچ میں اچانک آگ لگ گئی، جس میں دو افراد جل کر جاں بحق ہوگئے، 8 مسافروں نے کود کر اپنی جان بچائی۔
تفصیلات کے مطابق بلوچستان کے علاقے اوتھل کے قریب مسافر کوچ کو خوفناک حادثہ پیش آیا ہے، اس حوالے سے ریسکیو حکام نے بتایا کہ کوچ میں اچانک آگ بھڑک اٹھی۔
کراچی سے کوئٹہ جانے والی مسافر کوچ میں حادثے کے وقت 28 مسافر سوار تھے، شعلے اتنے شدید تھے کہ شاہراہ پر ٹریفک کی روانی معطل ہوگئی، کوچ میں سوار 8 افراد نے چھلانگ لگا کر اپنی جان بچائی۔
ریسکیو حکام نے بتایا کہ مسافر کوچ میں آگ لگنے سے2افراد جاں بحق اور 8زخمی ہوگئے زخمیوں کو طبی امداد کیلئے فوری طور پر ڈی ایچ کیو اسپتال اوتھل منتقل کیا گیا۔
اطلاع ملتے ہی پولیس، امددی ٹیمیں اور فائر بریگیڈ کا عملہ جائے وقوعہ پر پہنچ گیا، ریسکیو ذرائع کے مطابق کوچ میں لگنے والی آگ پر قابو پالیا گیا ہے، کولنگ کا عمل جاری ہے۔
ڈی سی لسبیلہ نے اے آر وائی نیوز کو بتایا کہ واقعے کے فوری بعد ڈی ایچ کیو اسپتال اوتھل میں ایمرجنسی نافذ کردی گئی ہے۔
