کراچی (ویب ڈیسک) کراچی میں ارشد ندیم پر لاکھوں روپے اور پلاٹوں کی برسات ہو گئی ۔
آج نیوز کے مطابق ارشد ندیم کو گورنر سندھ نے بیس لاکھ بطور انعام پیش کیا ۔ بزنس مین علی شیخانی کی جانب سے تین ملین کا تحفہ ارشد ندیم کودیا گیا۔ریحان چاولہ کی جانب سے ایک لاکھ روپے دیئے گئے ۔ جی ایف ایس کی طرف سے 3 سو گزکا پلاٹ دیا گیا۔
ارشد ندیم کی پوری فیملی کو آئی فون ففٹین کا تحفہ بھی ملا۔ جی ایف ایس کی جانب سے ارشد ندیم کو اکیڈمی کے لئے بھی پلاٹ دیا گیا ہے۔
انعامات ملنے پر ارشد ندیم نے کہا کہ اتنا پیار ملا کہ الفاظ ختم ہوگئے ہیں، قوم ٹوکیو ورلڈ ایتھلیٹ ٹورنامنٹ 2025 کے لئے بھی دعا کریں جیسے میرے لئے پہلے دعا کی تھی۔
