لاہور: وزیراعظم شہباز شریف کے خلاف توہین عدالت کی درخواست لاہور ہائیکورٹ میں سماعت کے لیے مقرر کردی گئی۔
اے آر وائی نیوز کے مطابق درخواست گزار خاتون اشبا کامران نے وزیراعظم کے خلاف توہین عدالت کی درخواست دائر کی ہے جس پر جسٹس وحید خان کل سماعت کریں گے۔
درخواست گزار کی جانب سے ججز سے متعلق نامناسب الفاظ پر درخواست دائر کی گئی ہے۔
درخواست گزار نے مؤقف اختیار کیا ہے کہ وزیر اعظم شہباز شریف نے ججوں کے حوالے سے نامناسب الفاظ استعمال کیے لہٰذا ان کے خلاف توہین عدالت کی کارروائی کی جائے۔
