مالم جبہ سے مینگورہ آنے والی وین کھائی میں گرنے سے 7 افراد جاں بحق جبکہ 5 زخمی ہوگئے۔
اے آر وائی نیوز کے مطابق ریسکیو حکام کا کہنا ہے کہ ہائی ایس گاڑی کھائی میں گرنے کے سبب 7 افراد جاں بحق، 5 زخمی ہوئے ہیں۔
ریسکیو حکام کے مطابق گاڑی میں الیکٹرانک کمپنی کااسٹاف سوار تھا، زخمی اورجاں بحق افراد کوکھائی سے نکالنے کیلئے پاک فوج کے دستے بروقت حادثے کی جگہ پہنچے۔
پاک فوج کی ریسکیو ٹیموں نے زخمیوں، لاشوں کوکھائی سے نکالا، زخمیوں کو طبی امداد فراہم کی جارہی ہے۔
اس سے قبل واشک میں مسافر کوچ کھائی میں گرنے سے 27 افراد جاں بحق لقمہ اجل بن گئے تھے۔
بلوچستان کے ضلع واشک میں افسوسناک حادثہ پیش آیاتھا، جہاں مسافرکوچ کھائی میں جاگری، جس کے نتیجے میں 27 افراد جاں بحق جبکہ متعدد افراد زخمی ہوئے تھے۔
اسسٹنٹ کمشنر نے بتایا کہ حادثہ تیزرفتاری کے باعث پیش آیا، کوچ تربت سیکوئٹہ جارہی تھی، زخمیوں کو اسپتال منتقل کردیا گیا ہے۔
