اسلام آباد : پاکستان پیپلزپارٹی کے سیکریٹری جنرل سینیٹر تاج حیدر نے مسلم لیگ ن کو اشرافیہ کی جماعت قرار دے دیا۔
تفصیلات کے مطابق پیپلزپارٹی کے سیکرٹری جنرل سینیٹر تاج حیدر نے اے آر وائی نیوز کو خصوصی انٹرویو دیتے ہوئے کہا ن لیگ اشرافیہ کی جماعت ہے، اشرافیہ کی سیاست کرنیوالی جماعت عوام کو طاقت کا سرچشمہ نہیں سمجھتی۔
وفاقی کابینہ میں شمولیت کے سوال پر تاج حیدر کا کہنا تھا کہ پیپلزپارٹی سی ای سی اجلاس میں متفقہ فیصلہ تھا، وفاقی کابینہ کا حصہ نہیں ہوں گے، بطورسیکرٹری جنرل اس کے منٹس لکھے کابینہ کاحصہ نہیں ہوں گے۔
پیپلزپارٹی کے سیکرٹری جنرل نے مزید کہا کہ جن وجوہات پرکابینہ میں شامل نہیں ہوئےوہ اب بھی موجودہیں، اب سی ای سی فیصلے کو وہی فورم تبدیل کرسکتا ہے، کابینہ میں جاکر ہمارے ہاتھ بندھ جاتے ہیں۔
ان کا کہنا تھا کہ پارٹی منشور کو چھوڑ دیں تواسکا مطلب ہوگا ہم نےعوام سے رشتہ توڑلیا، جب مخالفین بھی کہیں ہم جمہوریت کےلیےپرعزم ہیں توتقویت ملتی ہے۔
