پاکستان مسلم لیگ ن کی پنجاب حکومت پر پاکستان پیپلز پارٹی کی جانب سے شدید تحفظات کا اظہار کیا گیا ہے۔
تفصیلات کے مطابق پیپلز پارٹی کے رہنماعلی حیدر گیلانی کا کہنا تھا کہ جنوبی پنجاب کے عوام کو کسی کی رعایہ نہ سمجھا جائے، سابقہ حکومت نے جنوبی پنجاب سیکرٹریٹ قائم کیا تھا۔
علی حیدر گیلانی نے کہا کہ موجودہ حکومت نے جنوبی پنجاب سیکریٹریٹ کے تمام سیکریٹری ہٹا دیے ہیں۔
انھوں نے کہا کہ پنجاب کو وائسرائے کی طرح نہ چلایا جائے ہمیں یہ قبول نہیں، تخت لاہور جنوبی پنجاب کے لوگوں کو قبول کرنے کو تیار نہیں۔
پاکستان پیپلز پارٹی کے رہنما علی حیدر گیلانی کا مزید کہنا تھا کہ جنوبی پنجاب کے لوگوں نے پنجاب کو دل سے قبول کیا ہے۔
