کراچی: سی ٹی ڈی نے نامعلوم افراد کو ہتھیار سپلائی کرنے والے ملزم کو گرفتار کرلیا۔
تفصیلات کے مطابق سی ٹی ڈی میرپورخاص نے محمدی چوک ڈگری پر انٹیلی جنس بیسڈ آپریشن کیا، اس آپریشن کے دوران نامعلوم افراد کو ہتھیار سپلائی کرنے والے ملزم کر گرفتار کرلیا گیا۔
ڈی ایس پی سی ٹی ڈی مسعود آرائیں نے بتایا کہ نامعلوم افراد کو اسلحہ سپلائی کرنیوالا ملزم گل مالک کو گرفتار کیا گیا ہے،ملزم سے 7 پستول، گولیاں برآمد ہوئیں۔
ڈی ایس پی نے بتایا کہ گرفتار ملزم اسلحہ کی دکان کا مالک ہے، ملزم برآمد شدہ اسلحہ دکان سے فروخت کیلئے لیکر آیا تھا، ملزم کو گرفتار کر کے سی ٹی ڈی میرپورخاص منتقل کردیا گیا۔
سی ٹی ڈی کے ڈی ایس پی کے مطابق ملزم کن لوگوں کو اسلحہ فراہم کرتا ہے اس کی تفتیش جاری ہے، ملزم کیخلاف مقدمہ درج کرلیا گیا۔
