لاہور(ڈیلی پاکستان آن لائن)پاکستان کرکٹ بورڈ (پی سی بی) نے قومی سلیکشن کمیٹی سے وہاب ریاض اور عبدالرزاق کو برطرف کر دیا ہے جس کے بعد وہاب ریاض کا بیان آگیا۔
وہاب ریاض کا کہنا ہے کہ ان بیانات سے متفق نہیں ہوں کہ میں نے سلیکشن کمیٹی کے اراکین پر دباؤ ڈالا۔انہوں نے کہا کہ میٹنگ منٹس کی صورت میں ہر چیز کا دستاویزی ریکارڈ ہے۔
جیو نیوز کے مطابق ایک اعلیٰ عہدیدار نے وہاب ریاض کو ازخود مستعفی ہونے کا مشورہ دیا تھا، وہاب ریاض کو پیغام دیا گیا تھا کہ سلیکشن کی ذمہ داری قبول کر کے مستعفی ہوجاؤ۔وہاب ریاض نے مستعفی ہونے سے انکار کیا تھا جس کے بعد ان کو عہدے سے ہٹا دیا گیا۔
