میلبرن (آئی این پی ) کرکٹ آسٹریلیا نے ٹیسٹ کرکٹ کے 150 سال مکمل ہونے پر جشن منانے کا اعلان کر دیا۔
اس حوالے سے کرکٹ آسٹریلیا نے واحد ٹیسٹ کی تفصیلات جاری کرتے ہوئے بتایا کہ آسٹریلیا اور انگلینڈ کے درمیان ٹیسٹ میچ مارچ 2027 میں کھیلا جائے گا۔ ٹیسٹ کرکٹ کے 150 سال مکمل ہونے پر ٹیسٹ میچ کی میزبانی تاریخی میلبرن کرکٹ گراونڈ کرے گا۔ 15سے 19 مارچ 1877 میں ٹیسٹ میچ آسٹریلیا اور انگلینڈ کے درمیان میلبرن کے گرانڈ میں کھیلا گیا تھا، 79-1978 کے سیزن کے بعد پہلی مرتبہ مارچ میں آسٹریلیا میں ٹیسٹ میچ ہو گا۔ آخری مرتبہ پاکستان کے خلاف ٹیسٹ مارچ میں ہوا جو 29 مارچ کو ختم ہوا تھا، ٹیسٹ کرکٹ کے 100 برس مکمل ہونے پر ٹیسٹ 12 سے 17 مارچ 1977 کو میلبرن کرکٹ گراونڈ میں ہی کھیلا گیا تھا۔
ادھر کرکٹ آسٹریلیا نے 31-2030 سیزن تک کے انٹرنیشنل وینیو رائٹس کا اعلان کیا ہے جس کے مطابق باکسنگ ڈے ٹیسٹ ایم سی جی اور نیو ائیر ٹیسٹ سڈنی میں ہی ہوں گے۔
