کوپن ہیگن (ڈیلی پاکستان آن لائن) ڈنمارک کے سفارتخانے نے پاکستانی باکسر محمد وسیم کو ویزہ دینےسے انکارکردیا۔
تفصیلات کے مطابق قومی باکسر کی ورلڈ ٹائٹل فائٹ 4 اکتوبر کو مالٹا میں شیڈول ہے،ویزہ نہ ملنے سے محمد وسیم ٹائٹل فائٹ میں شرکت نہیں کرپائیں گے۔ محمد وسیم نے کہا ہے کہ میرا پاسپورٹ ڈنمارک کے سفارتخانے نے 40 دن تک پاس س رکھنے کے بعد ویزا دینے سے انکار کرتے ہوئے واپس کر دیا ہے۔انہوں نے کہا کہ ویزا نہ ملنے کی وجہ سےمیری فائٹ متاثر ہوگی، 2ہفتے قبل میں نے حکومت سے بھی اپیل کی تھی،لیکن ابھی تک میرا ویزا نہیں لگا۔انہوں نے مزید کہا کہ اب فائٹ میں شمولیت مشکل دیکھائی دے رہی ہے،میں بہت پریشان ہوں،میری حکومتی عہدیدران سے ویزے کے حصول کیلیے درخواست ہے ۔
